Sədərək rayon pokurorluğunun əməkdaşı məktəblilərlə "Ümummilli Lider Heydər Əliyev müstəqil Azərbaycan Konstitusiyasının müəllifidir" mövzusunda maarifləndirici tədbir keçirib.
Sədərək rayon prokurorluğunun təşkilatçılığı ilə rayonun Təhsil şöbəsi ilə birgə rayonun Sədərək kənd 1 nömrəli tam orta məktəbində məktəbin yuxarı sinif şagirdləri ilə onların hüquqi maarifləndirilməsi məqsədilə tədbir keçirilib.
Tədbirdə Sədərək rayon prokurorluğunun müstəntiqi I dərəcəli hüquqşünas Cavid Əsgərov "Azərbaycan Respublikasının Konstitusiyası Heydər Əliyevin Şah əsəridir" mövzusunda və rayon Təhsil şöbəsinin baş məsləhətçisi Yalçın Bayramzadə "Ulu Öndər Heydər Əliyevin təhsilə verdiyi töhvələr"mövzusunda çıxış ediblər.
Ulu Öndər Heydər Əliyevin fəaliyyəti nəticəsində respublikada həyatın elə bir sahəsi yoxdur ki, orada inkişaf, tərəqqi müşahidə olunmasın. Ölkənin iqtisadiyyatı, xalqın rifah halı, elm və incəsənət, səhiyyə sahələri inkişaf edib,Ulu öndərin hakimiyyətə gəlişi ilə öz həqiqi dövlət müstəqillyinə qovuşmuş Azərbaycanın inkişaf strategiyası müəyyən edilib bu irsi gələcəyin gənclərinə aşılamaq hər bir kəsin borcudur.
Sonda mövzu ilə bağlı tədbir iştirakçılarını maraqlandıran suallar ətraflı cavablandırılıb.