Şərur rayon prokurorluğunun əməkdaşları məktəblilərlə “Konstitusion hüquqlarımız” mövzusunda maarifləndirici tədbir keçirib.
Şərur rayon prokurorluğunun təşkilatçılığı ilə rayonun Çomaxtur kənd tam orta məktəbində, məktəbin yuxarı sinif şagirdləri ilə onların hüquqi maarifləndirilməsi məqsədilə tədbir keçirilib. Tədbirdə məktəbin direktoru və digər məsul şəxslər iştirak edib. Şərur rayon prokurorunun köməkçisi, I dərəcəli hüquqşünas Nurlan Əhmədli və rayon prokurorluğunun müstəntiqi, II dərəcəli hüquqşünas Rauf Cəfərov “Ümummilli Lider Heydər Əliyev müstəqil Azərbaycan Konstitusiyasının müəllifidir”mövzusunda çıxışlar ediblər. Ulu Öndər Heydər Əliyevin fəaliyyəti nəticəsində respublikada həyatın elə bir sahəsi yoxdur ki, orada inkişaf, tərəqqi müşahidə olunmasın. Ölkənin iqtisadiyyatı, xalqın rifah halı, elm və incəsənət, səhiyyə sahələri inkişaf edib,Ulu öndərin hakimiyyətə gəlişi ilə öz həqiqi dövlət müstəqillyinə qovuşmuş Azərbaycanın inkişaf strategiyası müəyyən edilib bu irsi gələcək nəsillərə aşılamaq hər bir kəsin borcudur. Sonda mövzu ilə bağlı tədbir iştirakçılarını maraqlandıran suallar ətraflı cavablandırılıb.