Şərur rayon prokurorluğunun əməkdaşları məktəblilərlə “Ətraf mühitin mühafizəsi” mövzusunda maarifləndirici tədbir keçiriblər.
Şərur rayon prokurorluğunun tədbirlər planına uyğun olaraq rayon prokurorluğunun təşkilatçılığı ilə Şərur şəhər 2 nömrəli tam orta məktəbində məktəbin yuxarı sinif şagirdləri ilə onların hüquqi maarifləndirilməsi məqsədilə Azərbaycan Respublikasında 2024-cü ilin “Yaşıl dünya naminə həmrəylik ili” elan olunması ilə əlaqədar tədbir keçirilib. Tədbirdə məktəbin direktoru,təlim tərbiyə işləri üzrə direktor müavini və təşkilatçısı iştirak edib.
Tədbirdə Şərur rayon prokurorluğunun böyük müstəntiqi, I dərəcəli hüquqşünas Jalə İbrahimova “Ətraf mühiti qorumaq hər bir vətəndaşın borcudur” başlıqlı mövzu ilə, rayon prokurorunun köməkçisi, II dərəcəli hüquqşünas Nurlan Əhmədli isə “Ətraf mühitin mühafizəsi və ekoloji hüquqi məsuliyyət ” mövzusunda çıxış ediblər.
Sonda mövzu ilə bağlı digər iştirakçıların çıxışları dinlənilib.